Претседателот на иранскиот парламент и главен преговарач на Иран, Мохамед Багер Калибаф, синоќа изјави дека стратегијата на САД, за која рече дека имала за цел да ја ослаби способноста на Техеран да го контролира Ормутскиот теснец, се вратила како бумеранг врз САД.
„Тие сакаа да го казнат Иран. Наместо тоа, се казнија себеси со трицифрена цена на нафтата. Стратегијата – чиста 10“, напиша Калибаф на платформата X.
Цената на суровата нафта Брент, глобалната реперна вредност, привремено надмина 100 долари за барел вчера откако бунтовничката група Хути од Јемен нападна два саудиски танкери за нафта.
Конфликтот меѓу САД и Израел со Иран предизвика глобална енергетска криза.
Меѓународниот монетарен фонд (ММФ) претходно овој месец ја намали својата прогноза за раст на глобалната економија поради конфликтот, велејќи дека тоа ќе доведе до „умерено забавување“.
ММФ ја намали својата проценка за раст од 3,1 процент на 3,0 проценти.
