Американските разузнавачки агенции веруваат дека новиот врховен лидер на Иран, ајатолахот Моџтаба Хамнеи, е многу повеќе заинтересиран за создавање нуклеарно оружје од неговиот татко , објави „Њујорк тајмс“, повикувајќи се на официјални лица запознаени со проценките.
Според нив, таткото на ајатолахот Хамнеи, кој беше убиен на почетокот на војната како резултат на израелски напад со учество на американски разузнавачки служби, никогаш јавно не го повикал Иран да создаде нуклеарно оружје.
Сепак, американските разузнавачки агенции веруваат дека Моџтаба Хамнеи и поконзервативната влада што дојде на власт имаат амбиции да го развијат .
Според американските разузнавачки служби, Иран преместил барем дел од центрифугите за збогатување ураниум од своите нуклеарни постројки, кои беа подложени на американски бомбардирања минатиот јуни, во нов, добро утврден подземен комплекс во планината Пикакс во централниот дел на земјата.
Режимот на ајатоласите дури распореди и копнени трупи во областа за да спречи каков било американски копнен напад насочен кон нејзиното уништување.
