Попладне избувна пожар во велешката месност „Дорутовец“, по бензинската станица на „Макпетрол“, пред влезот во Велес, од десната страна на патот гледано во насока кон градот.
Во гаснењето се вклучени и два ер трактора на Дирекцијата за заштита и спасување од каде информираат дека опасноста е намалена, но пожарот е раширен во правец на патот Велес – Штип поради што е побарана интервенција од полицијата за регулирање на сообраќајот.
– Состојбата се следи од Главниот штаб за управување со кризи, во координација со екипите на терен, велат од ДЗС.
Инаку, во државата до 18:00 часот регистрирани се вкупно девет пожари на отворен простор, при што aктивни се четири пожари, а изгаснати се пет пoжари.
