Плановите за продажба на делови од ФИФА ќе бидат предмет на истрага од страна на ЕУ поради сомнеж дека претставуваат закана за фудбалот, предупреди денеска еврокомесарот за спорт Глен Микалеф.
Микалеф во објава на социјалните медиуми оцени дека најавените предлози за лицитирање со малцинските удели во ФИФА потенцијално претставуваат прекршување на правилата за натпреварување на ЕУ и ја загрозуваат иднината на фудбалот, најпопуларната споредна работа во светот.
„Ова не е бејзбол. Светското првенство останува најголемиот спортски турнир на планетата и покрај тоа што ФИФА ја искористува секоја комерцијална можност. Но, доста е. Немилосрдната комерцијализација на фудбалот стана корозивна. Таа ги загрозува работите што го направија фудбалот најпопуларен спорт во светот“, наведе Микалеф.
This isn’t baseball.
The @FIFAcom World Cup remains the greatest sporting tournament on the planet, despite FIFA exploiting every commercial opportunity.
But enough is enough.
The relentless commercialisation of football has become corrosive. It’s threatening the things that…
— Glenn Micallef (@GlennMicallef) July 29, 2026
Според него, најновите најави „покренуваат длабоки прашања за управувањето, независноста и судирот на интереси“.
„Особено се јавува загриженост кога регулаторните овластувања на ФИФА се усогласуваат со финансиските интереси на приватните субјекти“, додаде еврокомесарот за спорт.
Микалеф потести дека според одлука на Судот на правдата на ЕУ спортските правила се предмет на правото на Унијата, па во рамките на своите надлежности според Договорите на ЕУ, Европската комисија внимателно ќе ги проучи најновите предлози на ФИФА.
Европската фудбалска асоцијација (УЕФА) најави итен онлајн состанок за оваа недела на кој ќе се разговара за предлозите на ФИФА.
