Фотографија: X

Истрагата ја покрена сопругата на осомничениот.

Телото на жртвата беше пронајдено на 18 јули во напуштена зграда во атинската населба Кипсели, откако бездомник забележал непријатен мирис. Првичните резултати од обдукцијата покажуваат дека Рос починал од задушување. Клучна трага за полицијата дојде од сопругата на Ахмадзаи, Американката Алаина Хол, која ги пријави своите сомневања на 30 јули откако идентитетот на жртвата беше објавен.

Ахмадзаи наводно признал дека го оставил телото во напуштена зграда и дека од нејзиниот мобилен телефон испратил пораки до семејството на жртвата за да ги увери дека е жива. Полицијата го претресла неговиот дом на 1 август и пронашла реплика на црн пиштол и воен нож. Локалните медиуми, исто така, објавија снимки од безбедносните камери на кои се гледа маж што одговара на неговиот опис како турка ковчег низ улиците на Атина.

Од бегалец до боксер и хуманитарец

Ахмадзаи избегал од Авганистан на 15-годишна возраст откако Талибанците го убиле неговото семејство, напишал тој на својот блог. Неговиот татко, воен командант, бил убиен во заседа откако преживеал шест обиди за атентат. Тој пристигнал во Грција како бегалец на островот Лезбос во 2016 година.

Двојката се преселила во Атина во 2019 година, каде што основале здружение и добиле дете. Тој, исто така, имал два професионални боксерски натпревари во Атина и ја освоил националната титула во суперлесна категорија во март оваа година.

Жртвата го посветила својот живот на помагање на другите.

Во блог пост насловен како „Приказната на Шариф“, тој го опиша своето животно патување. „Изгубив сè што имав. Заслужував подобар живот од овој. Многу мои соништа беа уништени. Животот е навистина неправеден, но никогаш не сум се откажал и никогаш нема да се откажам. Бог е на моја страна. Тој сè уште не завршил со мене. Мојот најголем сон сега е да им служам на другите со сè што имам“, напиша тој.

Убиената Елизабет-Џејн Рос, позната на нејзините пријатели како Лиза, била побожна христијанка која често патувала во Грција за да волонтира. Нејзината хуманитарна работа инспирирана од верата ја однела и во Курдистан, каде што им помагала на сириските бегалци. Во Атина, таа била позната по тоа што им зборувала на бездомниците во посиромашните делови од градот, вклучувајќи го и напуштениот паркинг каде што се собираат зависници и бездомници.

Се очекува Шариф Ахмадзаи утре да се појави пред истражен судија во Атина.