Европските индекси денес растат, цената на нафтата од типот Брент е околу 80 долари за барел, а на пазарот владее оптимизам откако американскиот министер за финансии Скот Бесант изјави дека САД и Иран наскоро би можеле да постигнат договор за повторно отворање на Ормутскиот теснец.
Во 9:30 часот, цената на нафтата од типот Брент се зголеми за 0,79 проценти на 80,160 долари, а на американската нафта од типот WTI за 0,28 проценти на 75,996 долари.
Германскиот DAX се зголеми за 0,55 проценти, францускиот CAC 40 за 0,05 проценти, британскиот FTSE за 0,39 проценти, а московскиот MOEX за 0,86 проценти, објавува порталот Investing.
Во Европа, инвеститорите ќе го следат француското индустриско производство, продажбата на нови автомобили во Велика Британија и податоците за цените на производителите во еврозоната, заедно со композитните извештаи за PMI од целиот регион.
На корпоративниот фронт, вниманието ќе биде насочено кон уште една рунда извештаи за заработка, вклучувајќи ги резултатите од Siemens Energy, Infineon и Glencore.
Европските фјучерси за гас за септември се тргуваа по 54,865 евра за мегават-час на отворањето на берзата TTF Amsterdam денес.
Еврото денес се тргуваше по 1,15397 долари во однос на доларот на Forex.
Златото се искачи на 4.168,25 долари за тројанска унца, а пченицата се искачи на 6,3914 долари за бушел (еден бушел е 27,216 кг).
Американскиот берзански индекс Дау Џонс (Dow Jones) порасна за 1,71 процент на 54.085,88 поени на затворањето на тргувањето во вторник, S&P 500 за 1,79 проценти на 7.736,52 поени, а Nasdaq за 2,59 проценти на 26.584,99 поени.
