Морското еже најчесто се наоѓа во карпести делови или во плитките води, но само еден невнимателен чекор е доволен одморот да се претвори во болно искуство.
Неговите тенки боцки лесно може да влезат во кожата, а убоденото место да се вцрвени и да отече.
Доколку знаете дека во морето има морски ежови, не влегувајте боси, а ако се набоцкате, не ги вадете сами боцките, туку побарајте лекарска помош, советуваат лекарите.
Доколку во местото каде се летува, нема доктор, тогаш прво што треба да се направи е да се исплакне повреденото место со солена вода, но не морска вода. Многумина користат и оцет бидејќи тој помага во омекнување на кожата и полесно отстранување на боцките.
Може да се употреби и мешавина од топла вода и топол оцет. Местото се мие неколкупати на ден по што би требало кожата сама да ја исфрли боцката.
Но, доколку боцката е влезена подлабоко во кожата тогаш мора да се острани со лесни кружни движења и со пинцета.
Потоа раната мора да се намачка со антибактериска маст, а доколку се јави оток и црвенило мора да се побара лекарска помош.
