Фестивалот на креативен документарен филм „МакеДокс“ денеска на прес-конференција ќе ја претстави комплетната програма и фестивалските активности за неговото 17. издание.
Како што најавуваат организаторите, на пресот во Едукативниот културен центар „Лабораториум“, ќе се обратат извршниот директор на фестивалот Дарко Набаков, програмскиот координатор Петрула Вељановска и раководителката на индустри програмата Сара Ферро.
Седумнаесеттото издание на Фестивалот на креативен документарен филм „МакеДокс“ ќе се одржи од 20 до 27 август на неколку локации во Скопје – Куршумли ан, Музејот на Македонија, Сули ан, „Лабораториум“ и Албанскиот театар.
