Украинските сили извршија напади врз рускиот ракетен и вселенски центар во Самара и воен аеродром, кој служел како база за борбени авиони, соопшти денеска претседателот на Украина, Володимир Зеленски во објава на социјалните мрежи.
Нападите врз Самара, што се наоѓа на 900 километри од Украина, ги потврдија и локалните власти, кои информираа дека цел на украинските напади била „индустриската инфраструктура во регионот“.
Градоначалникот на Самара, Иван Носков, изјави дека противвоздушната одбрана го одбила „масовниот напад“. „Индустриската инфраструктура на Самара претрпе ограничена штета“, наведе Носков во онлајн објава, но не наведе детали за погодениот објект.
Претходно во регонот на Самара, што се наоѓа во југозападна Русија, украинските сили ја нападнаа рафинеријата за нафта во градот Сизран на реката Волга, во рамки на кампањата за таргетирање на руската енергетска инфраструктура, со цел да се принуди Москва да се согласи на прекине на конфликтот.
Today, there are new significant results from our deep strikes. In Russia’s Samara region, one of the key enterprises within Roscosmos – the Progress Center, which was involved, among other things, in electronics production – was hit. Flamingo missiles were used. A good… pic.twitter.com/1BlZpmvKRN
— Volodymyr Zelenskyy / Володимир Зеленський (@ZelenskyyUa) August 15, 2026
Според Зеленски, украинската армија денеска нападнала и рускиот нафтен објект во Уст-Луга, кој бил оштетен при наападот.
Вчера, украинските сили погодија фабрика за преработка на природен гас во руското балтичко пристаниште Уст-Луга.
