Грчки танкер бил нападнат во Црното Море во близина на терминалот на Конзорциумот за Касписки цевководи (CPC) во близина на Новоросијск, каде што товарел руска нафта, изјавија извори запознаени со ситуацијата за Блумберг.
Изворите, кои зборуваа под услов на анонимност, рекоа дека ова е прв напад врз брод што се прикотвува на терминалот на Конзорциумот за Касписки цевководи по речиси тринеделно затишје на нападите.
Додека CPC главно товари нафта од Казахстан, пратката што била натоварена на грчкиот брод што бил нападнат била од руско потекло, велат изворите.
Според изворите, нападот се случил во недела, во близина на терминалот.
Украина претходно се согласила да се воздржи од таргетирање на инфраструктурата на CPC и неруските бродови што се упатуваат кон морскиот терминал, сè додека тие бродови не се под украински санкции и не носат руски товар, според американскиот функционер.
Суровата нафта од руско потекло обично сочинува пет до 10 проценти од извозот преку Конзорциумот за Касписки цевководи.
Најновиот напад претставува ризик за одржливото работење на ЦПЦ, кое е во сопственост на нафтените компании „Шеврон“ и „Ексон Мобил“, како и на руските државни компании за цевководи и државните компании за нафта и гас на Казахстан.
