Тајната служба на САД соопшти дека истражува  извештаи за истрели во Вашингтон, во близина на Белата куќа, објавија Ројтерс и Си-Ен-Ен. Тие работат со персоналот на местото на настанот.

Директорот на ФБИ, Кеш Пател, изјави дека  агенти на ФБИ се на местото на настанот и ја поддржуваат Тајната служба.

Две лица беа застрелани во престрелка со агенти на Тајната служба во близина на Белата куќа. Напаѓачот беше меѓу нив. Подоцна беше потврдено дека е мртов. Еден случаен минувач беше повреден. 

Претседателот Доналд Трамп во тој момент бил во резиденцијата на Белата куќа, но не бил засегнат од инцидентот.

Нема повредени припадници на Тајната служба.

Потсетуваме дека ова се случи еден месец по пукањето во хотел во Вашингтон за време на вечера во чест на новинарите акредитирани во Белата куќа, за што подоцна Кол Ален беше обвинет за обид за атентат врз американскиот претседател Доналд Трамп. 

Еден службеник на Тајната служба беше застрелан за време на нападот . 

Ален се изјасни за невин. Тој е обвинет и за напад врз федерален службеник со смртоносно оружје. Доколку биде осуден само по првата точка, се соочува со доживотен затвор.