Во студијата насловена како „Европа сама дома?“, Гринпис наведува дека европските членки на НАТО, вклучувајќи ја и Канада, издвоиле околу 626 милијарди долари за одбрана во 2025 година, во споредба со 190 милијарди за Русија.
Европа има особено силна предност во воената авијација. Заедно со Канада, тие имаат 2.215 борбени авиони, наспроти 1.064 на Русија.
Сличен баланс на моќ постои и во морнарицата, каде што дури и без Американците, Европејците и Канада имаат 143 бродови наспроти 34 на Русите, како и кога се споредуваат артилериските системи, со сооднос од 15.896 наспроти 5.976.
Авторите истакнуваат дека Европа има огромни одбранбени ресурси, дури и во случај на потенцијално повлекување на САД од НАТО.
Сепак, тие предупредуваат дека европската безбедносна политика е поткопана од некоординирана и скапа внатрешна трка во спроведувањето на воените проекти
