дома Македонија Политика Мицкоски до Реџепи: Вие сте лицемерни патриоти од „Али експрес“, во опозиција...

Мицкоски до Реџепи: Вие сте лицемерни патриоти од „Али експрес“, во опозиција создавате етнички конфликт, на власт промовирате зелени …

Парламентарната говорница денеска беше место на жестока вербална пресметка меѓу премиерот Христијан Мицкоски и пратеникот Скендер Реџепи од „Европскиот фронт“. Прашањето на Реџепи за тоа дали премиерот би поддржал уставни измени поврзани со јазичната политика и бришењето на одредницата „20 проценти“ за албанскиот јазик, предизвика остар одговор од првиот човек на Владата.

Вие сте ПАТРИОТИ ОД „АЛИ ЕКСПРЕС“ - Премиерот Мицкоски до пратеникот Реџепи

Мицкоски упати директни обвинувања за лицемерие до партиите од поранешната власт, користејќи сликовит и остар речник за нивното однесување во позиција и опозиција.

Одговарајќи на конкретното прашање за употребата на јазикот, премиерот Мицкоски како пример го посочи полагањето на правосудниот испит, потенцирајќи дека законите не го блокираат користењето на јазиците, туку тоа е прашање на подзаконски акти.

 „За правосудниот испит, ако сте го прочитале законот, ќе прочитате таму дека полагањето не е регулирано со законот на кој јазик ќе биде, туку тоа го уредува министерот. Колку министри за правда биле од коалицијата која ја поддржувате? Зошто не го уредиле тоа досега?“, запраша Мицкоски од собраниската говорница.

Премиерот додаде дека токму овие пропусти го докажуваат лажниот пристап на сегашната опозиција кон етничките прашања.

„Затоа што сте лицемерни! Затоа што сте ‘патриоти од Али Експрес’ кога сте во опозиција, а во влада промовирате зелени еко-агенди. Сега, во опозиција, сакате да создадете етнички конфликт таму каде што воопшто го нема“, дециден беше премиерот.
ПредходнаБројот на смртни случаи од топлотниот бран во Велика Британија се искачи на десет
СледнаАпасиев најави нова интерпелација за Тошковски: МВР функционира како „партиска полиција“