Претседателката на државата Гордана Сиљановска-Давкова денеска е во официјална посета на Словачка каде ќе биде пречекана со највисоки државни и воени почести од страна на словачкиот претседател Петер Пелегрини.
Предвидено е претседателите да одржат тет-а-тет средба, по што ќе следи пленарен состанок на македонската и словачката делегација.
Сиљановска-Давкова ќе оствари средба и со претседателот на Националниот совет Рихард Раши, како и со потпретседателот на Владата и министер за одбрана, Роберт Калињак.
Претседателката ќе положи венец пред Споменикот на слободата, во меморијалната област Девин, а во Националниот центар за култура и образование во Братислава ќе ја посети групната изложба „Од глаголица до светлина: Визуелна ода за Св. Кирил и Методиј“, со дела на македонските уметници Ана Митевска, Ангел Коруновски, Лазе Трипков и Александра Костадиновска.
