Под мотото „Македонија забрзува, наша обврска“ вечерва владејачката ВМРО-ДПМНЕ во Струмица ќе го одбележи 36-тиот роденден.
На стадионот Младост се очекува да се обрати лидерот на партијата и премиер Христијан Мицкоски кој пред два дена во објава на Фејсбук напиша дека во изминатите 36 години имало и тешки моменти и големи искушенија, но дека денес се зборува за развој.
– Имаше периоди кога требаше да се брани државата, кога требаше да се зачуваат националните интереси и кога требаше да се покаже карактер и истрајност. Државата кога беше одземена и требаше да стане повторно ваша. Секогаш кога било најтешко, силата доаѓала од народот. Од граѓаните кои верувале во Македонија и кои никогаш не се откажале од неа. Денес гледаме напред. Денес зборуваме за развој, за економски раст, за нови инвестиции, за подобри плати, за модерна инфраструктура, за подобро образование, здравство и институции кои работат во служба на граѓаните, напиша Мицкоски.
