Во последните седум години бројот на ученици е намален за 17 илјади, соопшти денеска министерката за образование и наука Весна Јаневска која вети дека со најавената оптимизација нема ниту еден наставник да биде отпуштен од работа.
– Свесна сум дека има реакции за оптимизацијата, но да повторам – никој нема да биде отпуштен од работа, порача министерката на прес-конференција на која се осврна на сработеното во изминатите две години.
Рече дека пред две години кога ја презеле функцијата затекнала сериозни проблеми во образованието.
Вети учебници на 1 септември, зголемена поддршка за учениците со посебни образовни потреби, повеќе стипендии и вработување за најдобрите студенти….
