Маж е уапсен под сомнение за обид за убиство откако автомобил удри неколку луѓе на прометна шопинг-улица во Западен Лондон, Велика Британија, јавува Би-Би-Си.
Пет лица се повредени, од кои тројца се однесени во болница .
Се верува дека ниту еден од нив не е во критична состојба.
Метрополитенската полиција соопшти дека 34-годишен возач роден во Сомалија избегал од местото на настанот, но подоцна бил уапсен под сомнение за опасно возење и обид за убиство.
Иако полицијата за борба против тероризмот беше вклучена во првичната истрага, таа не се третира како поврзана со тероризам.
