Британската полиција денес објави дека е уапсен 28-годишен маж под сомнение за убиство на поранешната политичарка Ан Видекомб, објавија британските медиуми.
Осомничениот, британски државјанин, бел, беше уапсен во саботата навечер на неговата адреса во Јужен Јоркшир и моментално е во полициски притвор, објавува Гардијан.
„Имавме поддршка од единицата за борба против тероризмот на полицијата во Јоркшир, која го изврши апсењето во име на полицијата во Девон и Корнвол. Во овој момент, нема информации што укажуваат дека овој инцидент е поврзан со тероризам“, соопшти локалната полиција.
Претходно, полицијата соопшти дека е можно Видекомб да била мртва во својот дом речиси 24 часа пред да биде пронајдено нејзиното тело.
Полицијата соопшти дека истражниот тим верува дека 78-годишната поранешна политичарка била нападната околу 12:30 часот во среда.
