Во Музејот на град Скопје вечерва ќе биде отворена мултимедијалната изложба „Трага во времето“, во рамки на годинашното издание на манифестацијата „Скопско лето“.
Изложбата е емотивно и документарно сведоштво за една извонредна музичка визија. Преку автентични фотографии, материјали и приказни, поставката претставува дел од десетгодишниот пат на денешниот Национален џез оркестар – пат исполнет со творечка посветеност, заеднички стремежи и незаборавни моменти.
