По 8 години „Белата палата“, вредна 14 милиони евра и останатиот партиски имот во вредност од 2 милиони евра се повторно во рацете на ВМРО, реагира Социјалдемократскиот сојуз по повод одлуката на Кривичниот суд кој донесе ослободителна пресуда за поранешниот премиер Никола Груевски за предметот „Талир 2“.
– Граѓаните гледааат како судството и обвинителството под контрола на Мицкоски го чисти Никола Груевски од одговорност за предметот Талир 2 и го одмрзнува криминалниот имот на ВМРО. Така изгледа кога криминална организација е на власт, таа се грижи само за себе и да ги спаси своите од одговорност. Правда нема!, пишува во реакцијата на СДСМ.
Мицкоски му овозможува на својот ментор Никола Груевски да ја избегне правдата за Талир 2, посочуваат од СДСМ.
