Во префектурата Етолија-Акарнанија во западна Грција, денес попладне избувна пожар на отворена површина во областа Ано Керасово, а пожарот се прошири и на областа Калигата на Кефалонија.
Пожарот, кој се гаси со помош на четири авиони, зафати ниска вегетација во Акарнанија, а на местото на настанот се распоредени 23 пожарникари, екипа планинари и осум противпожарни возила, објавува Катимерини.
Во гаснењето на пожарот учествуваат и волонтери, додека водата ја обезбедуваат локалните водоводни претпријатија.
Пожар во ниска вегетација избувна во областа Калигата на Кефалонија попладнево.
Според Противпожарната служба, мобилизирани се 16 пожарникари за гаснење на пожарот, заедно со екипа пожарникари од 16-та ЕМОДЕ (Специјална единица за шумски пожари), четири возила, а помош даваат и локалните власти.
Четири авиони и еден хеликоптер се вклучени во гаснењето на пожарот.
Испратена е порака до жителите на поширокото подрачје да бидат подготвени за евакуација доколку пожарот се прошири.
