Пешачење со дополнителни придобивки. Постојат многу различни начини да се одржи здрав ум во здраво тело, сè додека имаме желба за тоа. А кој ќе го избереме зависи и од нашиот физички капацитет и од целите што сакаме да ги постигнеме. Ако се стремиме не толку кон добивање мускулна маса, туку кон висок тонус и подобрување на општата состојба на телото, можеби овој вид тренинг е вистинскиот за нас.
Се состои од вода, протеини, масти, гликоза и бели крвни клетки и циркулира во лимфниот систем, кој, сепак, нема своја пумпа, како што кардиоваскуларниот систем го има срцето, па затоа се потпира на нашите движења за да стигне до секој сантиметар од телото.
И кога ја поддржуваме дренажата на лимфниот систем, тоа ја подобрува циркулацијата на крвта и нè спасува од задржани течности, го поддржува варењето и имунолошкиот систем.
Добрата вест е дека одењето е најлесниот начин да се грижите за лимфниот систем. Не ни треба опрема, теретани или тимови – само чекори, по можност секојдневно. Одењето го поддржува дишењето и мускулните контракции – главните двигатели на лимфната течност во телото.
И по што е различно лимфатичкото одење?
Ова е свесен вид на одење, каде што не се движиме само бесцелно, туку се стремиме да одржиме максимално исправена положба, правиме движења на мавтање со рацете и дишеме длабоко. Клучно е да им дозволиме на рацете да се движат слободно за да ги стимулираме лимфните јазли под пазувите. Затоа, најдобро е да не носиме или држиме ништо, советува Vogue.
Покрај длабокото вдишување и издишување, можеме да додадеме и лесни ротациони движења во пределот на рамената и колковите, што ќе ни помогне да се движиме уште повеќе, а со тоа и лимфната течност во телото.
Клучот за позитивен ефект е да се биде доследен. И не ни треба многу – 20-30 минути на ден се доволни. А најдоброто од сè е што не треба да одвојуваме одредено време за лимфатично одење – можеме да го практикуваме на пат кон работа или до продавница, на пример. Кога ќе стане дел од нашата дневна рутина, придобивките ќе бидат најголеми.
