Земјотрес со јачина од 3,1 степени според Рихтеровата скала е регистриран рано утрово источно од Сараево, објави Европско-медитеранскиот сеизмолошки центар (EMSC).
Земјотресот е регистриран во 4:21 часот по локално време, а епицентарот бил 12 километри источно од Сараево, односно 166 километри северозападно од Подгорица, на длабочина од шест километри.
Потресите ги почувствувале многу жители на Сараево и околните населби, при што повеќе од 490 корисници на EMSC пријавиле дека го почувствувале земјотресот, а на нивната страница се објавени речиси 200 коментари од граѓани.
