Федералното истражно биро на САД (ФБИ) истражува инцидент поврзан со пробивање на информациите во Националниот информативен центар за криминал (NCIC), објави Си-Ен-Ен во саботата.
„Базата на податоци на NCIC ја користат агенциите за спроведување на законот низ целата земја за размена на информации во врска со судските налози и за проверка на информациите за позадината“, се вели во соопштението.
Деталите околу инцидентот сè уште не се објавени, а ФБИ не даде оперативни коментари.
Според Си-Ен-Ен, ова е втор случај на упад во системите на ФБИ во последните месеци .
Порано во септември, хакерската група „Шајни Хантерс“ објави дека украла доверливи лични податоци на илјадници сегашни и поранешни вработени во ФБИ. Потоа хакерите се инфилтрирале во онлајн портал кој објавувал информации за кандидати за работа во ФБИ.
Министерството за земјоделство на Соединетите Американски Држави (USDA) беше жртва на хакерски напад во кој хакерите добија пристап до систем што овозможува плаќања на земјоделците.
Ова го објави NBC News, повикувајќи се на двајца поранешни вработени во USDA кои се запознаени со ова прашање.
Министерството ги известило своите вработени за пробивот во четврток, според анонимните извори. Министерството за земјоделство на САД, исто така, наводно стравува дека хакерите би можеле да го користат платниот систем како „задна врата“ за пристап до дополнителни чувствителни информации. Министерството за земјоделство на САД не коментираше за информациите.
Информациите се совпаѓаат со растечкиот број технички дефекти и прекини во летовите во САД, што ги истакнува загриженостите за потенцијални сајбер закани за критичните системи.

