Европскиот авиопревозник „Finnair“ ги мери патниците на излезот за полетување на аеродромот во Хелсинки, но само оние што се доволно храбри доброволно да се согласат да го сторат тоа за да ѝ овозможат на авиокомпанијата да направи подобра проценка на тежината на авионот пред полетувањето.
А во кошмарно сценарио за секој кој некогаш се обидел случајно да внесе торба со прекумерна тежина во авион, патниците се мерат заедно со нивниот рачен багажи.
За среќа, мерењето не е поврзано со поединечни резервации или податоци за патниците. Сè е анонимно, изјави за CNN, Пајвит Талквист, виш потпретседател за комуникации на „Finnair“, додавајќи дека само еден од персоналот на излезот ја гледа тежината.
Истражувањето започнале во понеделникот, а до четврток претпладнето веќе учествуваа 800 волонтери, додава Талквист. Авиокомпанијата била „позитивно изненадена од бројот на волонтери“.
„Ги известивме клиентите на ‘Finnair’ (за мерењето) преку социјалните медиуми и нашата мобилна апликација, а првите волонтери се јавија уште пред да се инсталира опремата“, рече таа.
„Finnair“ собира податоци и за зимската и за летната сезона, бидејќи патниците носат потешка облека и палта во текот на студените фински зими. Зимските отчитувања ќе бидат завршени во февруари, а летните читања од април до мај.
Талквист рече и дека авиокомпанијата ги споредува податоците за просечната тежина на патниците и нивниот рачен багаж „со цел да се процени рамнотежата на авионот и перформансите потребни за безбедно функционирање на летовите“.
И додека многу патници би сакале да ја задржат својата тежина во тајност, Сату Мунука, раководител на копнените процеси на „Finnair“, ги уверувал нервозните патници во изјавата дека „собраните податоци на никаков начин не се поврзани со личните информации на корисникот“.
„Ја бележиме вкупната тежина и заднинските информации за патникот и неговиот рачен багаж, но не бараме име или број на резервација, на пример. Само агентот за услуги на клиентите кој работи на точката на мерење може да ја види вкупната тежина, за да можете безгрижно да учествувате во истражувањето“, додаде Мунука.
