Членовите на Централното собрание на Алијансата за Албанците денеска заседаваа во скопскиот хотел „Буши“ за да ги разгледаaт опциите што ќе прави понатаму партијата. Дали целосно ќе се подели или ќе се бараат начини да се врати единството.
Собранието на Алијанса за Албанците на крајот одлучи да го разреши претседателот на партијата Арбен Таравари од функцијата. Зијадин Села ја потврди оваа информација и рече дека ќе свикаат Конгрес за да ја потврдат оваа одлука. Конгресот треба да биде оддржан на 18 февруари. Според информациите, „За“ гласале 106 членови, 1 бил „против“ и еден отсутен.
Инаку, доцна синоќа беа разрешени министрите за здравство и информатичко општество и администрација, Фатмир Меџити и Азир Алиу, по предлог на техничкиот премиер Талат Џафери, откако тие застанаа во поддршка на Таравари.
Пронајдете не на следниве мрежи:
