Секоја од двете легендарни гитари на коишто свиреа Ерик Клептон и Курт Кобејн би можела да достигне цена меѓу 1 и 2 милиони долари на аукција што ќе се одржи во ноември во Нешвил.
„The Fool“ на Клептон, психоделично насликана гитара, е позната по својот уникатен звук. Џорџ Харисон од The Beatles му ја дал на Клептон откако неговата гитара била украдена.
„Тој ја искористи гитарата за да создаде многу специфичен звук што денешните гитаристи сѐ уште се обидуваат да го добијат по 50 години“, вели Мартин Нолан, основач на аукциската куќа Julien’s Auctions.
Со хитови како „Bell Bottom Blues“, „Cocaine“ и „Layla“, Клептон освои 18 Греми награди и беше примен во Рокенрол Куќата на славните во 2000 година.
Втората гитара, чија вредност се проценува на милион до два милиони долари, му припаѓаше на Курт Кобејн.
Станува збор за „SkyStang I“ на којашто Кобејн свиреше на неговиот последен јавен настап како дел од концертната турнеја на Nirvana под „In Utero“.
Таа е опишана како негов „работен коњ“ поради честотата со која ја користел на турнеите. Гитарата сè уште ги има истите жици, дури и црната лента што го покрива името на брендот „Fender“, бидејќи „Курт мразеше корпоративно спонзорство и корпоративно брендирање“, објаснува Нолан.
Светскиот рекорд за продажба на една гитара е поставен во јуни 2020 година.Тогаш гитарата „
Потоа гитарата „Martin D-18E“ на Кобејн од 1959 година, на која свиреше кога се појави на „MTV Unplugged“ во 1993 година, беше продадена за повеќе од 6 милиони долари.
На аукцијата ќе бидат понудени и други предмети кои му припаѓале на Кобејн, вклучувајќи го неговиот џемпер, фармерки и кутија цигари. Ова се сите предмети што ги оставил кога се пријавил на рехабилитација.
Пејачкот на Nirvana беше пронајден мртва на 27-годишна возраст. Се застрела во својот дом во Сиетл во април 1994 година.
Дел од приходите од продажбата на гитарата ќе бидат наменети за иницијатива за ментално здравје наречена „Kicking the Stigma“.
Аукцијата „Играни, носени и искинати: рокенрол иконски гитари и сувенири“ во кафулето „Hard Rock“ во Нешвил, од 16-ти до 18-ти ноември, ќе понуди повеќе од 1.000 предмети. Меѓу нив е корсетот што Ејми Вајнхаус го носеше на доделувањето на Британските награди, накитот кој им припаѓал на Принц и Елвис Присли и предмети од наследството на Френк Запа, вклучувајќи ја и првата гитара што тој ја купил.
