Со претставата „1984”, од авторот Џорџ Орвел во изведба на Националниот театар од Приштина, Косово, на 14 октомври на сцената на Албанскиот театар – Скопје ќе почне 18. издание на Меѓународниот театарски фестивал Скупифестивал Скопје. Претставата е во режија на Игор Менџиски, и во изведба на Арта Селими, Басри Луштаку, Едона Решитај, Флака Латифи, Шпејтим Кастрати, Џејлане Годанци и Илбер Барди.
Скупифестивал Скопје ќе се одржува до 19 октомври.
Како што е најавено, во вторник, 15 октомври, во Албанскиот театар во Скопје, Скупифестивал продолжува со претставата „Гидеоновиот јазол”, во продукција на Интермецо и МЕСС Сараево, Босна и Херцеговина. Автор Џона Адамс, во режија на Селма Алиспахиќ, во улоги на Селма Алиспахиќ, Хелена Вуковиќ.
Во среда, 16 октомври, на програмата ќе биде 18-тото издание на „Децата од прашина”, претстава во продукција на театарската продукција Тула Лимноа од германската престолнина Берлин. Концепт и кореографија: Toula Limnaios, во изведба на Хиронори Шугата, Франческа Бедин, Каролина Кардаш, Амадин Ламуру, Лаура Беши, Феликс Дипин, Даниел Хернандес Алфонсо, Ено Клајнхандин.
Во четврток ќе се прикажува „Нижински”, подготвен од “Produksion L’ Amphitheater & Oh DA!” oд Букурешт, Романија. Автор е Ема Николова, режисер Малина Андреј, во изведба на Филип Ристовски.
Во петок, на 18 октомври, на програмата е работилница насловена „Изведба со маски“, која ќе ја предводи режисерката Сенем Џехвер од Турција.
-МТФ СкупиФестивал, секоја година носи најразлични перформанси и естетски вкусови. Фестивалот има натпреварувачки карактер, и доделува награда за најдобра претстава на фестивалот. Жирито кое ќе ја додели оваа награда е составено од три дами – театарската критичарка Хандан Салта од Турција, актерката Дрита Каба Карага и Кети Дончевска Илиќ од Македонија. МТФ СкупиФестивал ќе биде затворен на 19 октомври во НУ Албанскиот театар во Скопје, со претставата “Елементарни Честитки” од Мишел Велбек, во режија на Крис Шарков, со Теодора Духовникова, Жаклин Даскалова, Димитар Николов, Мартин Димитров, Елена Иванова, Славена Зајкова, Дарина Радева во продукција. од Бугарскиот Народен театар Иван Вазов од Софија, соопштија организаторите.
И оваа година МТФ Скупифестивал е поддржан од Министерството за култура, Бугарскиот Културен Информативен Центар во Скопје, Телеком на Македонија, Гете Институтот Скопје, весникот КОХА, телевизија АлсатМ и радио телевизија на Македонија.
