Гастроентерологот д-р Бесник Елези од Косово успешно изврши интервенција за отстранување на батерија од далечински управувач која двегодишно дете ја проголтало.
На социјалните мрежи, Елези сподели рендгенски снимки од стомакот на детето, како и детали од интервенцијата, која се одвивала во неговата канцеларија во Гњилане.
“На двегодишното дете К.Ш. му е извадена батеријата од стомакот,” напиша докторот, споделувајќи фотографии од постапката.
Овој случај е потсетник за родителите да внимаваат на ситните предмети во домот кои децата лесно можат да ги проголтаат, бидејќи батериите може да бидат особено опасни по здравјето.
