Српскиот претседател, Александар Вучиќ и премиерот на Косово, Албин Курти се поканети на разговори во Брисел, што ќе се одржат на маргините на Самитот на лидерите на ЕУ на крајот на неделата, изјави портпаролот на ЕУ Петер Стано.
Стано не можеше да го потврди точното време на средбата, но извори на РТС наведуваат дека Вучиќ и Курти треба да имаат одвоени разговори, без заедничка средба со претставниците на ЕУ в четврток.
Според Стано, разговорите на специјалниот претставник на Лајчак во Белград и Приштина за време на викендот биле фокусирани на тоа како да се подобри имплементацијата на Охридскиот договор, бидејќи „нема планови за негова замена“.
„Се разговараше за различни предлози и идеи, од кои некои се во писмена форма, а тие дискусии ќе продолжат. Тука е вклучен и модерен европски предлог за статутот на Заедницата на општини со српско мнозинство. Очекуваме брза акција на страните за да покажат дека се посветени на продолжување на процесот на нормализација, со исполнување на нивните обврски од дијалогот и од Договорот за патот кон нормализација, како и од сите претходни договори, без предуслови и одложувања“, рече портпаролот на ЕУ.
МИА
