Откако беше затворено поради неисплатливост и нерентабилност, како проект на Скопје 2014 и НИкола Груевски, по седум години денеска повторно ќе биде отворен комплексот „Македонско село“ кој се наоѓа на Водно во близина на Нерези. Нов концесионер е фирмата, овојпат ќе биде „Ла Тераца“.
Оттаму информираа дека концесионерот е избран на законски и транспарентен начин, по пат на електронско јавно наддавање, преку системот со кој управува Министерството за финансии.
На отворањето, најавено е присуство на премиерот Христијан Мицкоски.
Комплексот „Македонско село“ се состоеше од 12 автентични куќи, со простории каде се претставени македонските занаети, а делови се користеа како хотелски соби и имаше ресторански дел.
Со реотворањето на комплексот, според СОЗР, ќе бидат создадени услови за поттикнување на развојот на туризмот и зајакнување на локалната економија, отворање на нови работни места, а ќе биде унапреден и туристичкиот капацитет во Скопје за што очекуваат да влијае на зголемен број туристи не само во Скопје, воопшто и во земјава.
