Претседателот на Република Српска, Милорад Додик, е прогонуван затоа што го брани Дејтонскиот мировен договор, Уставот на БиХ и Уставот на Република Српска, изјави правниот експерт Огњен Тадиќ.
Тадиќ реагираше на фактот дека Судот на БиХ ја потврди првостепената пресуда против претседателот на Република Српска, со која беше осуден на една година затвор и шестгодишна забрана за политичка активност.
„Во таа смисла, сè што веќе беше кажано за првостепената одлука може да се каже и за второстепената. Неверојатно е што Судот на БиХ застана на страната на Кристијан Шмит и ги спроведува незаконските одлуки на Шмит“, рече Тадиќ во изјава за весникот „Глас Српске“ со седиште во Бања Лука.
Тој истакна дека е интересно што според Законот за кривична постапка на БиХ, второстепената одлука можела да биде донесена околу 11 јули.
„Таа беше донесена денес, кога Кристијан Шмит наполнува четири години од својот престој во БиХ. Не можам а да не почувствувам дека со оваа одлука Судот на БиХ сакаше да му ја честита таа годишнина“, истакна Тадиќ, кој пак е правен советник во кабинетот на Додик.
