Во еден од авионите е и рускиот претседател Владимир Путин.
Рускиот владин авион Ил-96 на Специјалната летачка единица „Русија“ , со лет РСД 381, со владина делегација на Русија пристигна во Алјаска. По летот на руската делегација, уште два авиона полетаа од Москва во рок од еден час.
Летот RSD-171 полета 40 минути пред RSD 381 да слета во Алјаска, а според податоците на Flightradar24 , тој кружел околу руската престолнина некое време пред да се упати кон САД. Трет авион полетал од аеродромот Внуково, по што следел летот RSD-171. Околу 20 часот , полетал и чартер лет од Москва до Алјаска.
Се очекува рускиот претседател Владимир Путин да биде во еден од овие авиони, јавува руската новинска агенција ТАСС. Неговата средба со американскиот претседател Доналд Трамп во Алјаска ќе започне во петок во 11:30 часот по локално време . Нејзиното времетраење ќе зависи од текот на дискусиите, јавува Би-Би-Си.
Советникот на рускиот претседател Јуриј Ушаков потврди дека разговорите меѓу двајцата лидери ќе започнат со приватна средба, на која ќе присуствуваат само преведувачи. Потоа ќе им се придружат по пет претставници од секоја делегација. По средбата, претседателите на САД и Русија ќе одржат заедничка прес-конференција.
Главната тема на разговорите ќе биде војната во Украина, но се очекува да се разговара и за други прашања – вклучувајќи ја соработката меѓу САД и Русија, како и билатералната трговија.
