Пирс Броснан го глуми Џејмс Бонд во четири од филмовите за харизматичниот шпион: “Златно око” (1995), “Секогаш ќе има утре” (1997), “Еден свет не е доволен” (1999) и “Не умирај денес” (2002). И иако тој веќе има 72 години, актерот продолжува да снима филмови и со интерес ги следи вестите за претстојната франшиза, во која ја прави една од неговите најнезаборавни улоги.
Во ново интервју, Пирс Броснан дури и сподели дека ќе се врати во светот на Џејмс Бонд за претстојниот филм на Денис Вилнев.
Актерот изјавил за Радио Тајмс дека ја размислувал идејата за возрасен агент 007 – сличен на ликот кој го играл во неговиот последен филм Клубот на убиствата во четврток.
“Мислам дека некој не сака да види збрчкан, 72-годишен Бонд, но ако Виленув има нешто во ракавот, јас би го погледнал без двоумење. Зошто да не? Многу е забавно. Може да биде многу забавно. Ќелави капи, протетика… Кој знае?”
Пирс Броснан исто така додава дека тој и неговата сопруга Кели Шеј Смит со нетрпение чекаат да дознаат кој ќе биде следниот Бонд.
“Го слушам ритамот на тапаните во исчекување кој ќе биде следниот Џејмс Бонд. Има многу добри кандидати и сигурен сум дека тие ќе го направат спектакуларно задоволство”, дели тој.
Во февруари беше објавено дека Амазон ја презема контролата врз франшизата. Кратко потоа, исто така, стана јасно дека Денис Виленув потпишал договор за режирање на претстојниот филм, додека авторот на сценариото е креаторот на хит серијата Peaky Blinders – Стивен Најт.
Но, додека повеќе детали за новиот филм за Агент 007 допрва треба да бидат откриени, а Пирс Броснан размислува за можно враќање во франшизата, актерот веќе е подготвен за снимањето на Клубот на убиствата во четврток.
Во криминалистичката комедија, тој ја презема улогата на пензионираниот синдикален лидер Рон Ричи, а Хелен Мирен му е партнер како поранешната шпионка Елизабет Бест. Мирен исто така неодамна коментираше за изборот на нов Џејмс Бонд, изјавувајќи дека тој “мора да биде маж”.
“Јас сум феминистка, но Џејмс Бонд мора да биде маж. Тие не можат да изберат жена. Едноставно не функционира. Џејмс Бонд мора да е Џејмс Бонд, инаку ќе се случи нешто друго”, изјавила таа за списанието Сага.
