Бразилската федерална полиција соопшти дека пораките пронајдени на телефонот на поранешниот претседател Жаир Болсонаро покажуваат дека во еден момент сакал да избега во Аргентина и да побара политички азил.

Ова го објави АП откако доби пристап до извештај на истрагата од 170 страници.

Болсонаро имаше нацрт-барање за политички азил од владата на аргентинскиот претседател Хавиер Мили од 10 февруари 2024 година. 

Во писмо од 33 страници упатено до Мили, Болсонаро тврди дека е политички прогонуван во Бразил.

„Јас, Жаир Болсонаро, барам политички азил во Аргентина, во вонреден режим, бидејќи се наоѓам во ситуација на политички прогон во Бразил и се плашам за мојот живот“, напишал бразилскиот лидер. Аргентинската влада не одговори на барањето за коментар.

Потсетуваме дека Болсонаро следниот месец чека одлука од Врховниот суд во врска со наводниот обид за државен удар.

Тој би можел да се соочи и со обвиненија во друг случај, бидејќи полицијата формално го обвини него и еден од неговите синови за попречување на правдата во врска со неговото претстојно судење.

Доби уште поголемо внимание откако американскиот претседател Доналд Трамп директно ја поврза царината од 50% на увезената бразилска стока со судскиот статус на неговиот сојузник. Трамп ја нарече постапката „лов на вештерки“ против политичкиот противник, предизвикувајќи националистички реакции кај многу бразилски политичари.