Уметничко дело од колекцијата на уметничкиот трговец Жак Гудстикер, ограбено за време на Втората светска војна, е пронајдено висечко во дневната соба на куќа во Аргентина. 
Станува збор за сликата „Портрет на дама“ од италијанскиот сликар Џузепе Гисланди, која била украдена од висок нацистички функционер за време на војната, пишува NL Times.
Локацијата на сликата била непозната со децении, а весникот „AD“ утврдил дека сега се наоѓа во домот на една од ќерките на нацистички функционер во еден аргентински крајбрежен град.
Наследниците на еврејскиот трговец Гудстикер планираат да го вратат делото.
Еден од членовите на семејството Гудстикер, Мареј фон Захер, изјави за „AD“ дека целта на семејството е да ги врати сите уметнички дела ограбени од колекцијата Гудстикер.
Холандската агенција за културно наследство (RCE) ја потврди автентичноста на делото и рече дека сликата била пријавена како исчезната со децении.
RCE предупреди дека враќањето на уметничкото дело може да биде предмет на долги судски постапки доколку сегашниот сопственик одбие да го предаде.
