Едно девојче загина, а 11 други се повредени кога школски автобус излета од патот во Австралија.
Автобусот, кој превезувал 28 ученици од христијански колеџ, не успеал да сврти лево на селски пат во близина на градот Џилонг и се превртел, објави Ројтерс.
Според извештаите, полицијата го опиша местото на несреќата како „невероjaтно тешко“ за службите за итни случаи.
Вишиот полициски службеник на Викторија, Пол Линехам, изрази сочувство до родителите кои го загубија своето дете.
Едно дете е однесено во болница со сериозни повреди, додека 10 други лица, вклучувајќи го и возачот, се згрижени во болница.
Возачот на автобусот, на возраст од 76 години, е пуштен од болница откако му е укажана лекарска помош и сега помага во истрагата за околностите на несреќата.
Полицијата ги истражува сите аспекти на несреќата, вклучувајќи ги техничките проблеми со автобусот и условите на патот во времето на несреќата.
Истрагата е во тек.
