Финансиската корпорација од Њујорк, Голдман Сакс, проценува дека цената на нафтата од типот Брент може да падне под 55 долари за барел следната година поради очекуваниот суфицит на пазарот од 1,8 милиони барели.
Според нивните проекции, суфицит на пазарот на нафта може да се појави уште оваа година, што е во согласност со најновите прогнози на Меѓународната агенција за енергија (ИЕА), пренесува Ројтерс.
Агенцијата неодамна процени дека глобалната понуда на нафта ќе се зголеми за 2,1 милиони барели дневно, додека побарувачката ќе расте многу побавно, за околу 700.000 барели дневно, што резултира со суфицит од 1,4 милиони барели дневно.
