Пукање се случи во католичко училиште во Минеаполис, Минесота, а полицијата успеа да го запре напаѓачот.
Сè уште не е познато дали има повредени.
Голем број служби за итни случаи се на местото на настанот, на 54-та авенија помеѓу улиците Хариет и Гарфилд.
Нападот се случил утрово по локално време, а според распоредот на училиштето, миса за сите ученици била планирана во 8:15 часот наутро, пишува CBS News.
Гувернерот на Минесота, Тим Волц, изјави дека е информиран за инцидентот.
„Се молам за нашите деца и наставници чија прва недела од училиштето е обележана со овој ужасен чин на насилство“, рече Волц.
Членови на повеќе агенции се на местото на настанот, вклучувајќи ги ФБИ, државната полиција и полицијата во Минеаполис.
Властите сè уште не објавија дали има жртви или колку луѓе биле погодени од инцидентот.
