Куртис Виндом, 59, од Флорида, беше егзекутиран за убиството на неговата девојка, нејзината мајка и човек за кој рече дека му должел пари пред повеќе од 30 години, што е 11-та егзекуција во државата од почетокот на оваа година, објави денес Фокс њуз.
Виндом беше егзекутиран со смртоносна инјекција вчера попладне, по локално време, во државниот затвор на Флорида во близина на Старк.
Тој беше осуден за убиствата на неговата девојка Валери Дејвис, нејзината мајка Мери Лабин и Џони Ли, за кои тврдеше дека му должеле 2.000 долари.
Егзекуцијата на Виндом го продолжува рекордот на Флорида оваа година откако бројни смртни налози беа потпишани од републиканскиот гувернер Рон ДеСантис, а 12-тата егзекуција во државата оваа година е закажана за 17 септември.
Флорида егзекутирала повеќе луѓе оваа година од која било друга американска држава, при што Тексас и Јужна Каролина се изедначени на второто место по бројот на егзекуции, со по четири.
Досега оваа година низ САД се егзекутирани 30 лица.
