Потпретседателот на САД, Џ.Д. Венс, во опширно интервју за USA Today изјави дека е подготвен да ја преземе претседателската должност „ако, не дај Боже, се случи страшна трагедија“ со актуелниот претседател Доналд Трамп. Тој нагласи дека е уверен оти Трамп ќе го одслужи целиот мандат и дека е во извонредна здравствена состојба
Трамп неодамна се појави во јавноста со видлива модринка на десната рака, која претходно беше покриена со шминка. Од моментот кога модрицата првпат беше забележана во февруари, јавниот притисок и критиките за обидот на Белата куќа да ја сокрие се зголемуваат.
На социјалните мрежи, јавноста во САД шпекулира за можната здравствена состојба на Трамп, споменувајќи различни теории, од рак на кожа до хронична венска инсуфициенција, врз основа на натечени глуждови и други симптоми.
Меѓутоа, Ванс нагласи дека Трамп, иако е постар од поголемиот дел од неговите соработници, има неверојатна енергија и исклучителна работна дисциплина: „Иако повеќето луѓе кои работат околу претседателот се помлади од него, тој всушност е човекот кој последен оди на спиење, тој е човекот кој ноќта ги завршува телефонските разговори и прв се буди и прв телефонира наутро“, рече Венс.
Според 25. амандман на Уставот на САД, потпретседателот ја презема функцијата доколку претседателот почине, поднесе оставка или биде разрешен. Историски, во девет наврати потпретседатели станале претседатели за време на мандатот, меѓу кои Калвин Кулиџ во 1923 година по смртта на Ворен Хардинг.
Трамп неодамна го претстави Венс како свој очигледен наследник и дел од проектот Make America Great Again (MAGA). „Мислам дека е најверојатно тој,“ рече Трамп, додавајќи дека и државниот секретар Марко Рубио би можел да соработува со него во иднина.
