Украинскиот претседател Володимир Зеленски денес изјави дека руските сили трпат најголеми загуби во насоката Покровск, каде, како што изјави, ги концентрираат своите најголеми напори, но не успеваат да ги постигнат стратешките цели, и додаде дека Русија изгубила повеќе од 290.000 војници од почетокот на годината.
„Нашите единици продолжуваат да ги исполнуваат задачите во регионот Донецк и систематски го уништуваат окупаторот“, рече Зеленски во објава на социјалната мрежа Икс, осврнувајќи се на извештајот на началникот на Генералштабот Олександр Сирски.
Според него, од почетокот на годината, преку линијата на фронтот, Русија изгубила повеќе од 290.000 војници кои биле убиени или тешко ранети, а повеќето од овие загуби се регистрирани во регионот Донецк.
Зеленски, исто така, изјави дека ситуацијата на правецот на Запорожје, како и на границата со Сумискиот и Харковскиот регион, е детално анализирана.
„Ќе ги продолжиме нашите операции точно колку што е потребно за одбрана на Украина.
Силите и ресурсите се подготвени“, изјави Зеленски, додавајќи дека веќе се планирани „длабоки напади“
