Членовите на придружбата на севернокорејскиот лидер Ким Џонг Ун ги отстранија сите траги од присуството на Ким од местото на состанокот по неговата средба со рускиот претседател Владимир Путин во Кина, објавија денес руските медиуми.
„Ја одзедоа чашата од која пиеше, го избришаа тапацирот на фотелјата и парчињата мебел што ги допре“, рече новинарот Александар Јунашев на својот канал Телеграм.
Тој објави и видео на кое е снимен процесот на чистење на местото на состанокот.
Рускиот претседател и севернокорејскиот лидер се сретнаа по церемонијалниот прием во чест на 80-годишнината од победата во Втората светска војна, што се слави во Пекинг.
Разговорот траеше повеќе од час и половина, а потоа шефовите на државите ги продолжија разговорите во формат „тет-а-тет“, кој траеше околу еден час.
Russian media report that North Korean staff has thoroughly destroyed all traces of Kim Jong Un ‘s presence in the room.
They took away the glass he drank from, wiped down his seat and all the parts of furniture he had touched. https://t.co/avbERqsdP8 pic.twitter.com/c77brRt755— Anton Gerashchenko (@Gerashchenko_en) September 3, 2025
