Ројтерс објави дека покрај полските авиони Ф-16, во операцијата за заштита на полскиот воздушен простор синоќа учествувале и холандски авиони Ф-35 и италијански авиони за надзор АВАКС.
Според извори од НАТО, инцидентот во моментов не се третира како напад. Алијансата, исто така, потврди дека руските беспилотни летала биле забележани од радарот и системите „Патриот“, но не отвориле оган.
Ројтерс потсетува дека ова е прв случај во кој Полска собори руски беспилотни летала на сопственото небо. Премиерот Доналд Туск го нарече настанот „акт на агресија“, додека Европската унија соопшти дека тоа е најсериозното кршење на европскиот воздушен простор откако започна руската инвазија на Украина.
