За да го промовира својот нов албум „Swag II“, објавен во петок, 5 септември , 31-годишниот Бибер сподели серија црно-бели фотографии. На некои од нив, тој позира без маица, во фармерки и дуксер, држејќи го својот син Џек во раце, чие лице е свртено од камерата.

Одговарајќи на критиките, 43-годишната Спирс сподели една од фотографиите на Бибер на својот Инстаграм профил во вторник, 9 септември, и напиша моќна порака: „Срам да им е што ми го осудуваат домот додека бев во пижами!!! Ја обожавам оваа слика!!! Толку, толку убава!!!

Џастин редовно споделува фотографии од својот син на социјалните мрежи, но секогаш се грижи лицето да не му се гледа. Затоа, во понеделник, 8 септември, објави неколку фотографии од него и Џек како поминуваат време заедно во кајак, двајцата свртени со грб кон камерата. 

Рефлексија на сопствениот живот

Пејачката неодамна се осврна на својот брак со Сем Асгари во сега избришана објава на Инстаграм од 24 август, објави „Пипл“. „Ние сме само луѓе, толку кревки, а најтешките години од мојот живот беа кога моите два сина заминаа за тие три години“, започна Спирс.

„Се сеќавам дека бев во шок, а мојот начин на справување беше преку солзи и негирање. Чудно е, бевме во брак, но ми се чинеше дека сè е само лажно одвлекување на вниманието, нешто што требаше да го искористам за да се справам со тоа сè додека не можев дури ни да разговарам со моите деца“, додаде таа.

Спирс, која ги има синовите Џејден Џејмс и Шон Престон со поранешниот сопруг Кевин Федерлајн, беше во брак со Асгари 14 месеци. Тој поднесе барање за развод во август 2023 година, а бракот заврши во мај 2024 година.

Асгари одговори на нејзините тврдења  за „Пипл“ преку својот претставник: „Нашиот брак беше многу реален за мене. Можеби беше краткотраен, но бевме заедно седум години. Бев вљубен во неа, секогаш ќе имам љубов кон неа и ѝ посакувам се најдобро.“