Полицијата во Велика Британија уапси маж во врска со сајбер нападот што го наруши работењето на неколку големи аеродроми во Европа,  вклучувајќи го и лондонскиот Хитроу, објави Би-Би-Си.

Националната агенција за криминал (NCA) соопшти дека 40-годишен маж е уапсен во Западен Сасекс како дел од истрагата за сајбер инцидент што влијаел на софтверот за пријавување и багаж на „Колинс Аероспејс“, кој го користат неколку авиокомпании.

Сепак, Пол Фостер, раководител на националната единица за сајбер криминал на NCA, нагласи дека истрагата за инцидентот е сè уште во рана фаза.

Човекот беше уапсен вечерта на 23 септември под сомнение за прекршување на Законот за злоупотреба на компјутери, но сега е ослободен со кауција.