Фотографиите направени по несреќата, која се случила во 3:50 часот наутро по локално време, покажуваат товарен авион „Боинг 747“ со ознаки AirACT полупотопен во морето во близина на аеродромот.
Четири члена од екипажот на авионот беа спасени, соопшти аеродромот во Хонг Конг. Двајца членови на безбедносната служба на аеродромот, на возраст од 30 и 41 година, загинаа откако товарен авион го турна нивниот патролен автомобил во морето.
Авион во сопственост на товарна компанија
Пистата беше затворена по несреќата, се додава во соопштението за медиумите.
„Емирати“ објавија дека летот EK9788 имал несреќа при слетувањето во Хонг Конг и дека станува збор за „Боинг 747“ на турската компанија „АКТ ерлајнс“. „Членовите на екипажот беа спасени, а во авионот немаше товар“, се вели во соопштението од „Емирати“.
Канцеларијата за цивилно воздухопловство на Хонг Конг соопшти дека ја пријавила несреќата во Одделот за истрага на воздушни несреќи и дека ќе помогне во истрагата.