Слика од Пабло Пикасо од приватна колекција, за која се верува дека ја прикажува неговата муза и партнерка Дора Мар, продадена е за 27 милиони евра на аукција во Париз во вторник.
Сликата, насловена како „Биста на жена со цветна шапка (Дора Мар) 1943“, станала сопственост на француско семејство во 1944 година и останала во нивната приватна колекција со децении сè додека наследниците не одлучиле да ја продадат, објави Ројтерс.
Портпаролот на аукциската куќа Друо изјавил дека купувачот бил во аукциската сала, но не го кажал своето име.
Сликата никогаш не била прикажана на јавноста пред аукцијата, а единствениот доказ за нејзиното постоење била фотографија од сликата од 1944 година.
