Советник за безбедност на јужнокорејскиот претседател не верува дека наскоро ќе се одржи средба меѓу американскиот претседател Доналд Трамп и севернокорејскиот лидер Ким Џонг Ун, објави Ројтерс.

О Хјун-ју, заменик-директор за национална безбедност во претседателската канцеларија на Јужна Кореја, рече дека нема конкретни информации, и покрај шпекулациите во медиумите , за средба меѓу двајцата лидери додека Трамп е во посета на Азија. Потсетуваме дека Трамп изјави дека е отворен за средба со Ким.

Вашингтон и Сеул сакаат  да го финализираат прелиминарниот трговски договор постигнат со Трамп во јули, откако нивниот прв самит во август заврши без договор.

По три рунди трговски разговори овој месец, јужнокорејските преговарачи во последните денови наговестија дека двете страни сè уште не постигнале договор за деталите од инвестицискиот пакет од 350 милијарди долари вклучен во договорот, и покрај одреден напредок во намалувањето на разликите во мислењата.

О, претседателскиот советник рече дека е малку веројатно да се постигне конечен трговски договор за време на состанокот меѓу Ли и Трамп оваа недела.