Лидерот на СДСМ Венко Филипче денеска ги повика граѓаните да излезат да гласаат во недела на вториот круг од локалните избори. Во општините каде СДСМ нема свој кандидат, симпатизерите на СДСМ ќе гласаат по сопствено убедување.
– Во вториот круг бараме поддршка од сите граѓани и гласачи без оглед за кого гласале во првиот круг. Ги повикувам и сите кандидати и нивните поддржувачи кои не поминаа во вториот круг да се приклучат во оваа борба за поддршка на овие вредносни политики, изјави Филипче.
Рече дека нема да навлегуваат, ниту пак досега навлегувале во некакви калкулации и заткулисни договори со некого и дека немаат соработка, ниту разговори со ниту една партија за избор на градоначалник на Скопје, ниту пак договор за поддршка во Карпош.
– Немаме формална соработка ниту разговори со ниту една партија, ниту со ВМРО-ДПМНЕ, ниту со Левица, нашите членови и симпатизери нека одучат врз основа на тоа кој сметаат дека ќе може подобро да го води градот, рече Филипче.
